Bandung, Mangle.id – Dikutip ti inews.com, cipanon histeris nalika hiji budak ditepungan ku indung tegesna di Markas Pulisi Tasikmalaya, Jawa Barat, Salasa (13/7/2021). Indungna datang ningali kaayaan budakna anu ditéwak kusabab ngilu demo ngadukung pembébasan Habib Rizieq, di Kantor Kejari Tasikmalaya poé Senén (12/7/2021).
Kokom (47), indungna teu nyangka budakna nu umur 12 taun bakal ilubiung dina démonstrasi anarkis anu nyababkeun kantor jaksa jeung tilu mobil pulisi ruksak.
Kusabab kaduhung, Tomas (12), warga Kacamatan Cigalontang, Kabupaten Tasikmalaya, Jawa Barat sujud dina suku indungna bari ceurik histeris menta hampura ka Kokom.
Kokom nyaritakeun yén poé Senen, Tomas menta duit Rp2.000 jang indit ngaji. Tapi, nepi ka sore teu balik wae ka bumi, kusabab hariwang, Kokom neangan Tomas. Akhirna, Kokom dibejaan ku babaturan Tomas yén budakna aya di Markas Pulisi Tasikmalaya, kusabab ngilu demo jeung ditewak pulisi.
“Tomas lainna ngaji di masigit, kalahka indit ngiluan demo. Abdi keuheul, Tomas teh leutik keneh, tapi geus diajak demo teuing ku saha,” ceuk Kokom.
Aksi Demo Menta HRS Dibebaskeun
Para demonstran nyieun orasi ka kantor kajaksaan Kabupaten Tasikmalaya pikeun ngadukung pembébasan Habib Rizieq Shihab. Tapi, kantor kajaksaan nolak paménta kusabab kasus eta lain ranah manehna.
Hasilna, massa maksa hayang abus ka kantor kajaksaan Kabupaten Tasikmalaya ku cara ngarusak gerbang. Kusabab maranehna heunteu bisa abus, para demonstran ngalungkeun batu ka kantor kajaksaan sareung ngaruksak tilu mobil Polres Tasikmalaya.
Ayeuna, tanaga Satreskrim Polres Tasikmalaya masih mariksa pendukung Habib Rizieq nu ngalaksanakeun Gerakan Laskar Santri Salafi. Tina 31 urang anu ditahan, 18 urang dewasa jeung 13 urang budak nonoman. (nis)