Bandung, Mangle.id – Dikutip ti oto.detik.com, Karoseri Laksana parantos nyieun inopasi model beus pang anyarna. Tapi lain beus panumpang, beus anyar Laksana nyaeta wahana fungsional anu bakal dianggo pikeun aktipitas sosial. Beus ieu boga fungsi salaku dapur berjalan alias beus dahareun.
Dina pidéo Youtube Laksana Bus, konsép beus dahareun datang ti Yayasan Aksi Cepat Tanggap (ACT). Yayasan ACT biasa pikeun ngaoperasikeun kandaraan sapertos treuk anu diganti jadi dapur berjalan. Jadi, ayeuna ieu beus dipilih jang wadah wahana pikeun ngalaksanakeun aktipitas sosial, nyaéta ngumbara ka juru-penjuru Indonesia pikeun ngadistribusikeun kadaharan haratis ka jalma-jalma anu butuh.
Ngomongkeun spésipikasi, beus dahareun Laksana pikeun ACT ieu make sasis OH 1626 ti Mercedes-Benz, dihijikeun jeung awak Legacy SR2. Beus ieu boga dua kabin, nyaéta kabin pikeun sopir jeung kabin pikeun masak oge nyiapkeun dahareun.
Pitur utama dina beus dahareun ieu, geus pasti nyaéta set dapur. Di dieu aya paragi ngagoréng, nyeupan, masak, jeung paragi ngumbah wadah anu kotor. Aya ogé rice cooker jang masak 45kg béas dina waktu 35 menit, jeung bak anu nampung 400 liter cai bersih, tempatna dina hateup beus.
Sakali masak dina beus dahareun ieu, bisa nyieun 1.000 porsi ku 10 urang tanaga nu masak. (nis)